Galego  |  Español  |  English  |  Français                   
Inicio

As Nosas Gaitas » Complementos
Correo Electrónico

Mapa da Web

Obradoiro

As Nosas Gaitas

Construción

Modelos

Complementos

Seipal

Garantía Seivane

Tenda

Documentación

Noticias

Susana Seivane

Contactar
Obradoiro de Gaitas Seivane, pon á súa disposición unha serie de complementos para o transporte, protección, mantemento ou mellora da súa gaita, cuxa información detallada lle ofrecemos a continuación.

Pode adquirir calquera dos nosos produtos a través de Internet accedendo á nosa tenda on-line.


Estoxo Ríxido para Gaita

Novo estoxo de alta calidade, modelo exclusivo redeseñado para optimizar a súa capacidade e prestacións. Adáptase ás medidas de equipaxe de man permitida nas aerolíneas.

Ofrece un cómodo transporte e unha excelente protección física e térmica. Con incorporación de higrómetro. Dispón de varios petos externos, un departamento para os efectos persoais e ocos internos para os accesorios de gaita. Grazas á versatilidade das súas asas, pode levarse de bandoleira ou mesmo de mochila.

ampliar foto


Estoxo de Foliada

Novo estoxo acolchado deseñado para ser levado como bandoleira. A súa gran lixeireza permite portalo con comodidade durante longo tempo. Ideal para andainas, pasarrúas ou foliadas. Cun peto exterior para os efectos persoais.

ampliar foto

Estoxo para Punteiro

Práctico estoxo acolchado e en cor negra. Está deseñado á medida para gardar e protexer o seu punteiro. Dispón dunha asa e o peche é de cremalleira.

ampliar foto


Boquilla Desmontable para Punteiro

Formada polo capuchón protector en madeira de buxo e boquilla desmontable, serve como protector da palleta e permite á súa vez tocar directamente co punteiro.

ampliar foto


Frauta de ABS símil madeira

Frauta adaptada por Seivane para a dixitación de gaita, tonalidade en Re Maior, moi práctica, resistente á humidade e de baixo mantemento, ideal para a aprendizaxe.

ampliar foto


Frauta de Arce

Frauta de arce, similar ó pito galego, semi-elaborada por Seivane, con dixitación de gaita, tonalidade en Re Maior, especialmente pensada para a aprendizaxe.

ampliar foto

Fol de Gore-Tex®

Fol en tecido microporoso transpirable (a humidade que se condensa no seu interior tende a saír polos poros polo fenómeno de osmose). Non necesita mantemento.

ampliar foto


Kit de Limpeza

Composto por tres baquetas para a limpeza interior das partes da gaita, un bote de Seite só para a limpeza interior do punteiro, e una baeta amarela para a limpeza exterior do instrumento. Para a utilización do Seite, consulte o Manual de Instruccións.

ampliar foto


Conxunto de Tonalidade

Con este conxunto ofrecemos a posibilidade de cambiar o ton da súa gaita sen necesidade de adquirir unha segunda. O conxunto completo está composto por un punteiro, un terzo de ronco e unha copa de ronqueta especial.

ampliar foto

Baquetas de Buxo

Baquetas para tamboril en madeira de buxo, cun gravado de agradable tacto e deseño antideslizante.

ampliar foto


Baquetas de Granadillo

Baquetas para tamboril en madeira de granadillo, cun gravado de agradable tacto e deseño antideslizante.

ampliar foto

Revista Guieiros

Revista Guieiros, da Asociación Xermolos, dedicada por enteiro a Xosé Manuel Seivane Rivas. Con máis de 200 páxinas, fotografías inéditas e coas aportacións de moitos gaiteiros e persoas relacionadas coa cultura.

ampliar foto


O PentaFol

O PentaFol, de Alberte Sanmartín, Inquedanzas Editoriais, libro recopilatorio con máis de 400 pezas populares para gaita galega. Todas as partituras están escritas en Dó e en Re, inclúe un disco MP3 con todos os temas.

ampliar foto


Método de Gaita Galega I e II

Método de Gaita Galega I e II, de Xaquín Xesteira, Edicións do Cumio. Manual de ensino da gaita galega, consta de dous volumes que inclúen respectivos discos con melodías interpretadas e exercicios de práctica. As pezas están escritas en Dó. Ambos recollen a súa experiencia como mestre de gaita, e no segundo tomo o autor profundiza en técnicas de interpretación máis complexas.

ampliar foto

Barquín de brazo de sopro mecánico

Mecanismo accionado co brazo para insuflar aire ao fol que permite conectar directamente coa buxa da ronqueta mediante un acoplamento cunha válvula, Seipón. Unha das ventaxas que ofrece é axudar a diminuír o esforzo pulmonar, e a posibilidade de cantar e tocar ao mesmo tempo.

ampliar foto


Barquín de pé de sopro mecánico

Ao igual que o barquín de brazo, mecanismo que axuda a diminuír o esforzo na respiración do gaiteiro, mediante un fol de sopro mecánico, aquí accionado co pé, que insufla aire mediante un tubo conectado coa buxa da ronqueta.

ampliar foto

Palletas

Palletas de elaboración propia para o consumo do Obradoiro, e ocasionalmente dispoñibles á venda.

Tonalidades Dó e Sib, para outras tonalidades, consultar.

ampliar foto

Pode adquirir calquera dos nosos produtos a través de Internet accedendo á nosa tenda on-line.
Obradoiro de Gaitas Seivane
Volteiro, 1-B - 15650 CECEBRE - CAMBRE - A Coruña - España
Tel: (+34) 981 676 656 - Email: obradoiro@seivane.es